Infòc

Infòc, existís dempuèi 1982 e aquò's una revista mesadièra de l’actualitat culturala occitana. Es l'associacion eponima que la bailegèt pendent bèl brieu. A la siá demanda e ambe l'ajuda de Georges Labouysse, es l’Institut d’Estudis Occitans de la Garona Nauta – IEO 31 que gerís Infòc d'ara enlà. La revista es en doas parts ; pòrta la primièra mai que mai d'articles de fons, ambe especialament sa rubrica d'istòria plan presada, per çò qu'es de la segonda, es vodada a çò evenimencial. Tanplan, Infòc es LA sola revista panoccitana d’informacion dels eveniments culturals.


Dempuèi lo mes de febrièr de 2012, la revista evoluís : lògo novèl, mesa en pagina novèla que permet d'i ganhar en clartat e en atractivitat, un editorial introdutz cadun dels numèros, e de redactors novèls van poder enriquir la primièra part lèu. Esperam atal que los nòstres legeires prendràn encara mai de plaser per se liurar a las siás diferentas rubricas.

Entre-senhas e informacions:

Bérengère Cartié
05 61 11 24 87
infoc@ieo31.com

Kit Média
Extraits