Tuta d’òc

Un pòl ressorça de la cultura Occitana

Partit del constat que la cultura Occitana beneficia d’un malhum flac en matèria de difusion e qu’existís una demanda insatisfaita, l’IEO 31 a elaborat lo projècte d’obertura d’un espaci de difusion per trobar tot de la cultura occitana. Aquò serà un lòc obèrt al public ambe un foncionament similar d'una librariá qu'a per objectiu de prepausar l’ofèrta la mai exaustiva possibla a l'entorn de : libres, Cd, Dvd Occitans o en ligam ambe tematica.
 
Parallèlament a aquel lòc fisic, i aurà tanben un lòc virtual concretizat jos la forma d’un siti E-Comèrci que permetrà a las produccions difusadas de beneficiar d'un dardalh nacional e mai internacional.
 
Aquò's tanben un lòc forum, vertadièr pòl cultural que se concretisa a l'entorn d’una programacion culturala : Los Rencontres de la Tuta d’Òc.
 
La programacion culturala : Los Rencontres de la Tuta d’Òc
 
Un lòc forum qu'organiza cada 15 jorns d'eveniments a prepaus de la creacion Occitana. Senhorejan coma rencontres, siá:
  • Literari : presentacion d’obratge seguit de dedicatòris e de signaturas
  • Musical : Concèrts privats (« Show Cases ») per presentar las sortidas dels disques
  • Cinematografic : presentacion d’extraits de filmes o documentaris
Aqueles eveniments son a res non còst e son acompanhats d’un escambi creators- public seguit d’un aperitiu convivial a  l’Ostal d’Occitània
 
Entre-senhas, Informacions :
 
Institut d’Estudis Occitans de la Garona Nauta – IEO 31
11 carrièra Malcosinat, 31000 TOLOSA
05 61 12 30 53

Duberta del dimars al dissabte
11h - 14h e 15h - 19h

http://www.latutadoc.com