PRESENTACION GENERALA

logo ieo31

D’en primièr, l’IEO, qu’es aquò ?

L’Institut d’Estudis Occitans es una federacion d’associacions que s’espandisson sus tota la region lingüistica occitana e al delà. Òbra per la promocion de la lenga e la cultura occitanas. Es constituïda de cercles locals que trabalhan sus un parçan. Al nivèl departamental coma al nivèl regional, se trapa un IEO, coma l’IEO 31. Enfin l’IEO (dich IEO Federal) recampa totes los nivèls e s’inscriu dins las instàncias mai que mai nacionalas o los collectius de lengas dichas regionalas.

IEO 31

L'IEO 31 es doncas la seccion de l'IEO per Garona Nauta que mena d’accions a Tolosa e dins lo departament per difusir nòstras lenga e cultura occitanas.

- Formacion per adultes en lenga occitana

- La Tuta d’Òc, librariá occitana

- Accions culturalas, amb un eveniment màger, lo Festival Occitania cada davalada

Aderir a l’IEO 31, es obrar per donar a l’occitan sa plaça deguda, en tot menar d’accions a l’entorn de la vida publica, dels mèdias e de l’ensenhament. Es tanben una accion de cada jorn e de cadun·a per que la cultura occitana siá una cultura viva e contemporanèa, creatritz e inovanta, en tot assumir son istòria millenària.

Aquelas accions, las podètz venir partejar amb nosautres !

Partejatz lo projècte associatiu de l'Institut d'Estudis Occitans, que milita per la reconeissença de l’occitan dempuèi 1945 ? Alara, podètz aderir per l’intermediari de nòstra seccion departamentala per èsser, vos tanben, un·a actor·a de la lenga e la cultura occitanas via la platafòrma HelloAsso, o en emplenant lo bulletin d’adesion amb un chèc a l’òrdre de l’IEO 31, 11 carrièra Malcousinat, 31000 Tolosa.

De notar :

- una partida de vòstra adesion serà repartida a l’IEO OPM, seccion regionala, e a l’IEO dich Federal

- l'IEO es reconegut d'interés general, podètz beneficiar d’una reduccion d’impòstes

- l’adesion compren l’abonament al bulletin associatiu «Anem Occitan!»

CÒLA

Salariat·da·s:

Burèu:

  • DELBÉS Giraud
  • BÒSC Emilia
  • ALGANS Ioan
  • LECLERCQ Joan-Marc
  • BRUNEL Roman
  • BLENET Magali

Conselh d'administracion:

  • BACABE François
  • BLENET Magali
  • BRUNEL Roman
  • DESTACAMP Joan-Miquèl
  • GARDES Frederic
  • LAFFONT Joan-Francés
  • LAGARDA Martina
  • LASSEUBE Patric
  • LECLERCQ Joan-Marc
  • MAURÉ Miquèl
  • PEDUSSAUT Miquèl
  • QUESTEL Emmanuel
  • TOMMASI Pèire
  • VIDAL Marc

CONTACTE