Presentacion

L'Institut d'Estudis Occitans es una associacion lei de 1901, creada en 1945, reconeguda d'utilitat publica (1949) e aprovada pel Ministèri de la Joventut e de l'Educacion populara (1986). Organisme màger de l'occitanisme contemporanèu, tòca un brave public per sas activitats : edicion, pedagogia, recèrca, difusion, centre de ressorças.

L'Institut es  estructurat en sectors : edicion (IDECO), animacion, musica, arts plasticas, lingüistica e constituís una federacion de seccions departamentalas e regionalas (un trentenat de departaments del grand tèrç sud de França tenon un I.E.O). I cal apondre tanben lo de las valadas occitanas d'Itàlia, atal coma lo de la Val d'Aran en Espanha e lo de París.

L'IEO 31, qu'existís dempuèi 1963, a pas quitat d'èsser un actor màger per la cultura occitana. A subretot obrat per la preséncia de l'occitan dins l'ensenhament public al primari, segondari e a l'Universitat. Ara, del moment que l'Estat comença a prene  en compte l'ensenhament de l'occitan en mitan escolar, una brava demanda existís a l'entorn de la cultura occitana.

Dempuèi 1998, l'I.E.O.31, per respondre a aquela demanda novèla a l'encòp lingüistica e culturala, organiza son accion a l'entorn dels axes seguents :

  • Ensenhament de la lenga e de la cultura occitanas per adultes
  • Centre de ressorças (traduccion, conferéncias, enquadrament dels estudiants universitaris, conferéncias, entre-senhas variadas…)
  • Difusion e edicion de libres e de produits culturals
  • Difusion artistica
  • Programacion culturala
  • Ingenhariá folclorica
  • Critica de l'art