D’ofèrtas « pass culture » pel festenal !
Las temperaturas davalan, lo solelh s’escond… De segur la davalada arriba. Bona novèla, lo Festival Occitania es a tornar ! Ongan vos prepausam mai de vint eveniments per demorar plan cauds en tot descobrir çò qu’Occitania a de melhor en matèria de creacion actuala. E n’avem per totes los gostes que lo festenal se vòl dobèrt a totas e totes : literatura, contes, teatre, istòria, musica, dança, cinemà… Portat per l’IEO 31 e afortit de partenariats amb d’associacions localas e occitanas, vos convidam a vos venir banhar dins la lenga e la cultura nòstras.