Es la dintrada ! Aquò vòl dire que los corses d’occitan son a tornar ! A comptar de la setmana del 16 de setembre, poiretz apréner la lenga, o la perfeccionar. Ne trobaretz a Tolosa, Pinsaguèl, Puègbonieu, Revèl, Tornafuèlha, e la novetat de l’annada : Murèth ! N’i a tanben a Carbona que començaràn lo 24 de setembre.
Coma cada annada, los corses seràn despartits en quatre categoria :
- Nivèl 1 : TROBAR
- Nivèl 2 : PARATGE
- Nivèl 3 : JÒI
- Talhièr de practica lingüistica CONVIVÉNCIA
Prepausam tanben d’estagis mesadièrs intensius, un dissabte per mes per 6 oras, que corresponden al cursus e la finalitat dels corses setmanièrs de nivèl 3 JÒI.
Lo primièr cors es a gratís, tota annada començada es deguda dins sa totalitat a comptar del segon cors. Lo pagament pòt èsser reglat en una, tres o nòu mensualitats. Cada inscripcion necessita una adesion a l’IEO 31. Cada estudiant·a que completarà un cursus obtendrà un certificat de l’universitat Tolosa II Joan Jaurès. Traparetz un tablèu recapitulatiu de las tarifas çai-jós :
